३१ वैशाख, पोखरा । पोखराको शान्ति स्तूपबाट फर्किँदै गरेको माइक्रो बस दुर्घटनामा परेको छ । ग १ ख ३८८६ नम्बरको माइक्रो बस दुर्घटना हुँदा ८ जना घाइते भएका छन् ।

ती मध्ये ४ जनाको अवस्था गम्भीर रहेको कास्की प्रहरीका डीएसपी हरिबहादुर बस्नेतले जानकारी दिए । उनका अनुसार घाइतेहरूलाई अस्पताल ल्याउने काम भइरहेको छ ।

‘घाइतेलाई उताबाट पठाइसकेको छ । अस्पताल ल्याउन लागिएको छ,’ उनले भने । उक्त माइक्रो नगर बस भएको बताइएको छ । घटनाको विस्तृत विवरण आउन बाँकी छ ।