☰
स्वस्थ र चम्किलो कपाल प्राप्त गर्न,नियमित ट्रिमिङ, कोमल धुलाई र सुकाउने प्रविधि, र पौष्टिक आहारमा ध्यान केन्द्रित गर्नुपर्दछ । अत्यधिक गर्मी स्टाइलिङ र कपालमा प्रयोग गरिने कठोर रसायनहरूबाट जोगिन क्वालिटीयुक्त प्रडक्ट्सहरु मात्र प्रयोग गर्नुपर्छ ।
यसबाहेक बेला बेला कपालको हेरचाहको लागि टाउकोको मसाज र कपालको मास्क प्रयोग गर्न जरुरी छ ।
धेरै धुँदा कपालको प्राकृतिक तेल नष्ट हुन सक्छ, जसले गर्दा कपाल सुख्खा र क्षतिग्रस्त हुन सक्छ। तसर्थ धेरै कपाल धोइरहनु पनि हुँदैन ।
कपाललाई हानि पुर्याउन सक्ने कठोर रसायनहरूबाट बच्न सल्फेट-रहित शैम्पू र कन्डिसनरहरू छनौट गर्नुहोस् ।
कपाललाई सुकाउन ड्रायर लगाउने बानी तुरुन्तै हटाउनुहोस् ,सकेसम्म हावामा सुक्न दिँदा गर्मीबाट हुने क्षति कम हुन्छ र कपालको स्वस्थ वृद्धिलाई बढावा दिन्छ।
टाउकोको मसाजले रक्तसञ्चार बढाउँछ, जसले कपालको वृद्धि गराउदछ र समग्र टाउकोको स्वास्थ्यमा सुधार ल्याउँछ।
