काठमाडौं । रुसका कम्युनिष्ट नेता लेनिनको संसार भर आज मनाउन लागिएको १५६औं जन्मदिनको अवसरमा अन्तराष्ट्रिय लेखक तथा पत्रकार केन्द्रले ऐक्यवद्धता जनाएको छ । सो संगठनका अध्यक्ष हस्तबहादुर केसीले आज एक विज्ञप्तिमार्फत् यस्तो ऐक्यवद्धता जनाएका हुन् ।

विज्ञप्तिमा अध्यक्ष केसीले लेनिनले तत्कालीन अवस्थामा रुसी कम्युनिस्ट आन्दोलन भित्र घुसेका र मौलाएका मेन्सेविकीवाद, अर्थवाद, लोकवाद, नरोदवाद, मिलेराँवाद लगायतका दक्षिणपन्थी संशोधनवादीहरुलाई वैचारिक, सैद्धान्तिक रुपले परास्त गरेर मात्र महान् रुसी अक्टोबर समाजवादी क्रान्ति सम्पन्न गर्न सफल भएको इतिहास रहेको स्मरण गराएका छन् ।
हाल फिनल्याण्डको भ्रमणमा रहेका केसीले त्यहाँको तामपेरे स्थित लेनिन संग्रहालयमा पुगेर लेनिनको सालिकमा सलामी अर्पण गरेको उल्लेख गर्दै सो संग्रहालय रहेको तामिरे वर्कर्स हलको भवनको तेस्रो तल्लामा लेनिन सन् १९०५ देखि १९०७ सम्म ३ वर्ष भूमिगत रुपमा पार्टीको काम गरेको पनि स्मरण गराएका छन् ।
विज्ञप्ति जस्ताको तस्तै :
आज २२ अप्रिल । आजको दिन अन्तर्राष्ट्रिय कम्युनिस्ट आन्दोलनको इतिहासमा एक ऐतिहासिक दिन हो । किनभने सन् १८७० अप्रिल २२ का दिन अन्तर्राष्ट्रिय कम्युनिस्ट आन्दोलनका महान् नेता तथा लेनिनवादका प्रतिपादक भ्लादिमिर यिल्यिच लेनिनको रुसको सिम्बमा जन्म भएको थियो । साथै आजकै दिन अर्थात् सन् १९४९ अप्रिल २२ ( सम्बत २००६ साल बैशाख १० गते) का दिन कमरेड पुष्पलालको पहलकदमी र नेतृत्वमा नेपाल कम्युनिस्ट पार्टीको स्थापना गरिएको थियो ।
आज विश्व सर्वहारा वर्ग एवम् उत्पीडित जनसमुदायले संसार भर महान् लेनिनको १५६औं जन्म दिवस धुमधाम र उत्साहजनक ढंगले मनाउन गइरहेका छन् र नेपालमा ७७ औं नेपाल कम्युनिस्ट पार्टी स्थापना दिवस मनाइँदैछ । यस ऐतिहासिक अवसरमा संसारभर क्रियाशील क्रान्तिकारी लेखक तथा पत्रकारहरुको छाता संगठन हाम्रो संगठन अन्तर्राष्ट्रिय लेखक तथा पत्रकार केन्द्र ऐक्यबद्धता जाहेर गर्दछ ।
लेनिनका संघर्षमयी यात्रामा सन् १८९७ देखि रुसमा जार शाहले ५ वर्षका लागि कालापानी (साइबेरीया) निर्वासन ( कैद) गरेको थियो । साइबेरियामा नै नादेज्जा क्रुस्कायासँग लेनिनको भेट भएको थियो । र त्यहीँ नै उहाँहरुको विवाह भएको थियो ।
त्यस्तै सन् १९०५ मा रुसमा क्रान्ति असफल भएपछि जार शाहले भीषण दमन चलायो । हजारौं मजदुर र जनतालाई हत्या गर्यो । रुसमा प्रतिकाल शुरु भयो र लेनिन पनि पुलिसको गिरफ्तारीबाट जोगिन फिनल्यान्ड पुग्नुभयो र ताापेरेस्थित तामपेरे वर्कर्स हल नामक भवनको तेस्रो तल्लामा भूमिगत ३ वर्ष बसेर पार्टी काम शुरु गर्नु भएको इस्क्रा (झिल्को) पत्रिका प्रकाशन शुरु गर्नु भएको र त्यहीँ नै स्टालिनसँग पहिलोपटक भेट भएको उक्त घरमा बसेर पार्टीका बैठकहरु गर्नुभएको र क्रान्तिका लागि तयारी गरेको इतिहास ज्यादै शिक्षाप्रद छ । साथै सन् १९१७ मा लेनिन पुनः फिनल्यान्ड जानु भएको र महान् अक्टोबर क्रान्तिका लागि आम जनविद्रोहको कार्यदिशाको खाका कोर्नु भएको र सन् १९१७ अप्रिल ३ का रुसको ऐतिहासिक शहर तत्कालीन पेत्रोग्रात (हालको सेयन्टपिटर्वर्ग) पुग्नु भएको र ४ अप्रिलका महान् रुसी अक्टोबर समाजवादी क्रान्तिको आम जनविद्रोह (सशस्त्र जनविद्रोह) को कार्यदिशा ‘अप्रिल थेसिस’ सार्वजनिक गर्नु भएको थियो जुन विश्व सर्वहारा वर्गका निम्ति ज्यादै ठूलो शिक्षा हो विश्व सर्वहारा वर्ग र उत्पीडित जनसमुदायका लागि ।
महान् लेनिनले विश्लेषण गर्नुभएको साम्राज्यवाद र सर्वहारा क्रान्तिको सामान्य फेरबदल बाहेक कायमै छ । त्यसैले लेनिनले नै भन्नुभएको विश्व सर्वहारा वर्गका सामु साम्राज्यवाद प्रमुख दुश्मनका रुपमा खडा छ । त्यसैले आज पनि महान् लेनिनको खाँचो छ र यस विश्व परिस्थितिमा विश्व सर्वहारा, उत्पीडित जनसमुदायले महान् लेनिनका शिक्षा र निर्देशनहरु आत्मसात र पालना गर्दै नयाँ जनवाद, वैज्ञानिक समाजवाद हुँदै वर्गबिहिन, राज्यबिहीन नयाँ संसाररुपी वैज्ञानिक साम्यवाद निर्माणको ऐतिहासिक कार्यभार पुरा गर्नका लागि महान् लेनिन र लेनिनवादको बाटोमा अगाडि बढ्नुको विकल्प छैन भन्ने हाम्रो संगठन अन्तर्राष्ट्रिय लेखक तथा पत्रकार केन्द्रको मान्यता रहेको छ ।
यो ऐतिहासिक कार्यभार पुरा गर्नका निम्ति विश्व सर्वहारा वर्गले कम्युनिस्ट अन्तर्राष्ट्रिय नभएको विषम र जटिल परिस्थितिमा अन्तर्राष्ट्रिय कम्युनिस्ट आन्दोलनमा घुस्न सफल भएको दक्षिणपन्थी संशोधनवाद, नवसंशोधनवाद, छद्म संशोधनवाद र सबैखाले अवसरवादहरुलाई मार्क्सवाद –लेनिनवाद–माओवादका सैद्धान्तिका धरातलमा उभिएर वैचारिक तथा सैद्धान्तिक रुपले जरुरी छ भन्ने हाम्रो संगठन अन्तर्राष्ट्रिय लेखक तथा पत्रकार केन्द्रको ठहर छ । किनभने महान् लेनिनले तत्कालीन अवस्थामा रुसी कम्युनिस्ट आन्दोलन भित्र घुसेका र मौलाएका मेन्सेविकीवाद, अर्थवाद, लोकवाद, नरोदवाद, मिलेराँवाद लगायतका दक्षिणपन्थी संशोधनवादीहरुलाई वैचारिक, सैद्धान्तिक रुपले परास्त गरेर मात्र महान् रुसी अक्टोबर समाजवादी क्रान्ति सम्पन्न गर्न सफल हुनुभएको थियो ।
आफ्नो ऐतिहासिक कार्यभार पुरा गर्नका निम्ति महान् लेनिन र लेनिनवादका ती शिक्षाहरुलाई दृढताका कार्यान्वयन गर्न हामी विश्व सर्वहारा वर्गले हार्दिक अनुरोध गर्दछौं र विश्व सर्वहारा क्रान्तिका पक्षमा दृढ समर्थन र पक्षपोषण गर्ने र व्यापक तथा विश्वव्यापी रुपमा प्रचारप्रसार गर्नेछौं भन्ने विश्वास दिलाउन चाहन्छौं ।
हाम्रो सेन्टरको तर्फबाट आजै महान् लेनिनको जन्म दिन २२ अप्रिलका दिन ऐतिहासिक अवसरमा फिनल्यान्डको तामपेरे स्थित लेनिन संग्रहालयमा पुगेर जुन संग्रहालय रहेको तामिेरे वर्कर्स हलको भवनको तेस्रो तल्लामा लेनिन सन् १९०५ देखि १९०७ सम्म ३ वर्ष भूमिगत रुपमा बसेर पार्टी काम चलाउनु भएको जो तत्कालीन सोभियत संघ बाहिर लेनिनलाई समर्पित गरिएको पहिलो र एक मात्र सन् १९४६ मा फिनल्यान्ड सोभियत संघ समाजद्वारा स्थापित फिनल्यान्डको तामपेरेमा सञ्चालित लेनिन संग्रहालयमा आजै पुगेर महान् लेनिनप्रति उच्च सम्मानका साथ सलामी चढाउने सगौरव सम्पन्न गरिएको सबैमा सहर्ष जानकारी गराउन पाउँदा गौरवको अनुभूति भएको समेत जानकारी गराउन चाहन्छौं । र, महान् लेनिनको यस ऐतिहासिक १५६ औं लेनिन जयन्तीका अवसरमा हामी नेपाल लगायत संसारभरका सारसंग्रहवादी कम्युनिस्टहरूले सन् १९१२ मा लेनिनले आयोजना गर्नुभएको प्राग सम्मेलनको इतिहास एकपटक गम्भीर भएर पढ्न आग्रह गर्दछौं । धन्यवाद ।
क्रान्तिकारी अभिवादन सहित ।
मिति : २२ अप्रिल २०२५ (९ बैशाख २०८२)
स्थान : लेनिन संग्रहालय, तामपेरे, पिरकान्मा, फिनल्यान्ड, युरोप ।
हस्तबहादुर केसी अध्यक्ष अन्तर्राष्ट्रिय लेखक तथा पत्रकार केन्द्र ।