२३ चैत, काठमाडौँ । ललितपुरको भट्टेडाँडाबाट प्रहरीले ठुलो परिमाणमा लागुऔषध बरामद गरेको छ । मकवानपुरबाट एम्बुलेन्समा लुकाएर उपत्यकातर्फ ल्याउँदै गरेको लागुऔषध बरामद गरिएको जिल्ला प्रहरी परिसर ललितपुरका एक जना अधिकृतले बताए ।

प्रहरीले एम्बुलेन्समा लुकाएको अवस्थामा ९४ हजार ट्याब्लेट ट्रामाडोल बरामद गरेको छ । सो लागुऔषध कारोबारमा संलग्न केही व्यक्तिहरूलाई पक्राउ गरिएको परिसरका एक जना अधिकृतले बताए । त्यसबारे जानकारी गराउन ललितपुर प्रहरीले शनिवार मध्यान्ह पत्रकार सम्मेलन आयोजना गरेको छ ।