☰
काठमाडौं । जल तथा मौसम विज्ञान विभागले आज देशका केही भू-भागमा बिहिवार वर्षा र हिमपातको सम्भावना रहेको छ भने अधिकांश स्थानमा भने मौसम सफा रहने जनाएको छ । कोशी र गण्डकी प्रदेशका पहाडी भू-भागका केही स्थानमा हल्का वर्षाको सम्भावना रहेको छ ।
महाशाखाका अनुसार कोशी र गण्डकी प्रदेशका केही उच्च पहाड र हिमाली क्षेत्रमा हल्का हिमपातको सम्भावना हुनेछ । भने काठमाडौँमा आज दिउँसो मुख्यतया मौसम सफा रहने छ । तराईका केही स्थानमा अपराह्नपछि हावाहुरीको सम्भावना रहेको छ । तर, क्षति पुर्याउने खालको ठूलो हावाहुरी भने नचल्ने महाशाखाले जनाएको छ ।
कोशी र गण्डकी प्रदेशको पहाडी भू-भागको एकदुई स्थानमा मेघगर्जन र चट्याङसहित हल्का वर्षाको सम्भावना रहेकाले सम्भावित क्षतिबाट बच्न सचेत रहन विभागले आग्रह गरेको छ ।
