☰
काठमाडौं । भ्रष्टाचारविरुद्धको अभियान अन्तरगत नेकपा (बहुमत)ले काठमाडौंको वनस्थली रानीवनमा कोणसभा सम्पन्न गरेको छ । सो अवसरमा बोल्दै सो पार्टीका युवा नेता दर्शनकुमार नेपालीले सामन्तवादको पुनस्थापना गरेर नेपाली जनताको समस्या हल नहुने कुरामा जोड दिए ।
उनले सामन्तवादले हिजो नेपालमा उद्योगधन्दाको बन्ध्याकरण गरेको र गणतन्त्रपछिको दलाल व्यवस्थाले पनि विदेशीको दलाली गर्ने र नेपालमा उत्पादन हुन नदिने गरेकोले समाजवादी उत्पादन प्रणालीसहितको समाजवादी व्यवस्थातिर जानुपर्नेमा उनले जोड दिए ।
एक प्रसंगमा उनले देशको ढुकुटी लुट्ने भ्रष्टहरुलाई प्रहरी प्रशासनका केही मानिसले जोगाएको र सामान्य मानिसलाई जेलमा हालेको गुनासो गरे ।
नेता नेपालीले आफ्नो पार्टीले उचित छानबिन गरेर सहकारी र लघुवित्त क्षेत्रका ठगहरुलाई कारवाही गर्ने चेतावनी पनि दिए ।
नेकपा (बहुमत)ले चैत्र १० देखि भ्रष्टाचार, सहकारी ठग र दलालविरुद्ध देशव्यापी जनसंघर्षको कार्यक्रम सहितको अभियान घोषणा गरेको छ ।
नेता नेपालीले यो अभियानमा साथ दिएर दलाल र भ्रष्टहरुमाथि कारवाही गर्ने अभियानमा सहभागी हुन पनि अपील गरे ।
