बुटवल । नेकपा (माओवादी केन्द्र) निकट मगर राष्ट्रिय मुक्ति मोर्चा नेपालको छैंठौ राष्ट्रिय सम्मेलन रुपेन्देहीको बुटवलमा हुने भएको छ । यही फागुन २८ गतेबाट सुरु हुने सम्मेलनको माओवादी केन्द्रका अध्यक्ष पुष्पकमल दाहाल ‘प्रचण्ड’ले उद्घाटन गर्नेछन् । मोर्चाले आज बुटवलमा पत्रकार सम्मेलन गरी सो कुराको जानकारी दिएको छ ।

मगर मुक्ति मोर्चाको यसपालिको नारा ‘मगर भाषा, संस्कृति र मगरात भूमी हाम्रो शान ! समता, समृद्धि र सुशासनको लागि पूर्ण समानुपातिक निर्वाचन !!’ रहेको छ ।

सम्मेलनमा (माओवादी केन्द्र) का वरिष्ठ उपाध्यक्ष नारायकाजी श्रेष्ठ ‘प्रकाश’, महासचिव देव गुरुङ, उपमहासचिव वर्षमान पुनमगर ‘अनन्त’, उपमहासचिव जनार्दन शर्मा ‘प्रभाकर’, सचिव चक्रपाणी खनाल ‘बलदेव’, आदिवासी जनजाति संयुक्त मोर्चाका इन्चार्ज तथा पूर्व सभामुख क. ओनसरी घर्तीमगर ‘उषा’, आदिवासी जनजाति संयुक्त मोर्चाका संयोजक तथा मगर मोर्चाका इन्चार्ज सुरेश आलेमगर लगायतका अतिथिहरुको उपस्थितिमा सम्मेलन सम्पन्न हुने आयोजकले जानकारी दिएको छ ।

सम्मेलनमा देशभरबाट प्रतिनिधि र पर्यवेक्षकहरु सहभागी हुनेछन् ।