वाशिङ्टन ।  अमेरिकी राष्ट्रपति डोनाल्ड ट्रम्पले रुसमाथि प्रतिबन्धको चेतावनी दिएका छन्।

रुसले युद्ध मैदानमा लगातार युक्रेनमाथि आक्रमण गरेका कारण ट्रम्पको विचारमा परिवर्तन भएको अन्तर्राष्ट्रिय सञ्चार माध्यमले लेखेका छन्। रुसले रातभर युक्रेनमा बमबारी गर्दै ऊर्जा केन्द्रमा आक्रमण गरेपछि ट्रम्पको यस्तो अभिव्यक्ति आएको हो।दक्षिणी केर्सन प्रान्तमा कम्तीमा दुई सर्व साधारणको ज्यान गएको छ।थुप्रै राज्यमा ऊर्जा केन्द्र र निजी निवास भत्किएका छन्।धेरै ग्यास उत्पादन केन्द्र पनि नास भएको अन्तर्राष्ट्रिय सञ्चार माध्यमले उल्लेख गरेका छन्।

राष्ट्रपति ट्रम्प ह्वाइट हाउसमा प्रवेश गरेयता उनको बोलीमा आएको यो महत्त्वपूर्ण परिवर्तन हो।यसअघि उनले रुसी राष्ट्रपति भ्लाडिमिर पुटिनको प्रशंसा गर्दै युक्रेनी राष्ट्रपति भोलोदोमिर जेलेन्स्कीको चर्को आलोचना गर्दै आएका थिए। उनले जेलेन्स्कीले युद्ध भड्काएको भन्दै आलोचना गरेका थिए।