फागुन २३, । प्रधानमन्त्री केपी शर्मा ओलीले नेपाल नुन बाहेक सबै कृषि उपजमा आत्मनिर्भर बन्दै गएको बताएका छन् । कर्णाली प्रदेशसभालाई सम्बोधन गर्दै उनले यस्तो बताएका छन् । ‘उत्पादनको हिसाब पनि बढेको छ, जनसङ्ख्या बढेको छ, आवश्यकता पनि बढेकाले कम भएजस्तो भएको हो,’ उनले भने, ‘विभिन्न जिल्लाहरूमा फलफूल खेतीको लहर पनि बढेको छ ।’

अहिलेको राजनीतिमा कतै अलमल हुनुहुँदैन । हामीले ल्याएको लोकतन्त्र सही तरिकाले अघि बढेको छ । व्यवस्था बदलियो, अवस्था बदलिएन भन्ने कुरा सत्य हैन । त्यो बेला बाल मृत्युदर नै धेरै थियो । अहिले त्यो रोकिएको छ ।’उनले अहिले फुसका छानालाई जस्ताका पाताले विस्थापित गरिएको समेत बताए । ‘युगान्तकारी काम गरेका छौँ । भुईँचालो गयो, त्यत्रो तर जुरुक्क उचालेर काम गरेका छौँ ।

जाजरकोट भूकम्पको पुनर्निर्माणको काम पनि अघि बढेको छ’ उनले भने । प्रधानमन्त्री ओलीले आफू अब कुनै आरोप–प्रत्यारोपको राजनीति गर्ने पक्षमा नरहेको बताए ।‘तीन तहका सरकारबिच समन्वय गरेर अघि बढ्नुपर्छ, अहिले असन्तुष्टि गर्ने तरिका नेपालमा जसरी बढिरहेको छ, त्यसलाई हल गर्नुपर्छ,’ उनले भने, ‘मान्छे त्यही बाटोमा गाडी कुदाइरहेको छ, के विकास भएको छ भन्छ ?’ त्यसलाई हल गर्ने गरी अहिलेको सरकार लागिरहेको उनले बताए ।