काठमाडौं । अमेरिकी राष्ट्रपति डोनाल्ड ट्रम्पले रुससँगको युद्धबाट भागेका युक्रेनीहरुलाई बस्नका लागि दिइएको कानुनी सुविधा खारेज गर्ने योजना बनाएका छन् ।

ट्रम्पको यो योजनाबारे उनको प्रशासनका एक वरिष्ठ अधिकारी र यस विषयमा जानकार तीन स्रोतलाई उदृत गर्दै रोयटर्सले लेखेको छ ।

ट्रम्पले अप्रिल महिनामा नै यो कदम चाल्नसक्ने बताइएको छ । ट्रम्प प्रशासनको कदम यसअघिका राष्ट्रपति जो बाइडेन प्रशासनले युक्रेनीहरूलाई स्वागत गर्न खोजेको ठिक विपरीत हो ।

यो निर्णयपछि युद्धबाट भागेर अमेरिकामा आएका करिब दुई लाख ४० हजार युक्रेनीलाई निष्कासन गर्न ट्रम्प प्रशासनलाई सहयोग पुग्ने बताइएको छ ।