लण्डन । युक्रेनी राष्ट्रपति भोलोदोमिर जेलेन्स्कीले अमेरिकासँग खनिज सम्बन्धी सम्झौतामा हस्ताक्षर गर्न तयार रहेको बताएका छन् ।

युक्रेन बचाउनका लागि लन्डनमा आयोजित युरोपेली देशको सम्मेलनको दौरान जेलेन्स्कीले अमेरिकासँगको खनिज सम्झौताका लागि आफू अझै तयार रहेकोसमेत प्रष्ट पारेका छन्। जेलेन्स्कीले युक्रेनको रक्षाका लागि अमेरिकासँग खनिज सम्बन्धी सम्झौतामा हस्ताक्षर गर्न तयार रहेको बताउदै युक्रेन र अमेरिकाको सम्बन्ध निरन्तर कायम रहने बताएका छन्।  बताएका हुन्।

शुक्रबार खनिज सम्झौतामा लागि अमेरिकी राष्ट्रपति डोनाल्ड ट्रम्पसँग जेलेन्स्कीले गरेको वार्ता भने तनावपूर्ण ढंगले सकिएको थियो। त्यसपछि सहयोग माग्दै युरोप पुगेका जेलेन्स्कीकीले अमेरिकासँगको सम्बन्धलाई कायम राख्दै नयाँ सम्झौताका लागि आफू तयार रहेको दोहोर्याएका हुन्।

अमेरिकी राष्ट्रपति ट्रम्पसँगको वार्तामा तनाव भएको २४ घण्टा नबित्दै जेलेन्स्कीले बेलायती प्रधानमन्त्री केइर स्टेइमरसँग भेट गरेका थिए।