मस्काे । अमेरिकी राष्ट्रपति डोनाल्ड ट्रम्प र युक्रेनका राष्ट्रपति भोलोदोमिर जेलेन्स्कीबीच भेटवार्तामा भएको विवादलाई लिएर रुसका पूर्वराष्ट्रपति दिमित्रि मेदभेदेवले कडा प्रतिक्रिया दिएका छन् ।

उनले जेलेन्स्कीलाई सुँगुरको उपमा दिँदै अमेरिकामा गतिलो झापड भेटेको टिप्पणी गरेका हुन् ।  उनले सामाजिक सञ्जाल ट्वीटरमा लेखेका छन्, ‘ एक अहंकारी सुँगुरले अन्ततः ओभल अफिसमा गतिलो झाडप भेटेको छ ।’

उनले अमेरिकी राष्ट्रपति सही रहेको बताएका छन् । ‘राष्ट्रपति डोनाल्ड ट्रम्प सही हुनुहुन्छ । कीभ सत्ता तेस्रो विश्वयुद्धको लागि जुवा खलिरहेको छ’, मेदभेदेवले थपेका छन् ।