काठमाडौं । मोबाइल फोनको जन्मदाता मोटोरोलाले विश्व मोबाइल बजारको पछिल्लो लय समाउँदै एकपछि अर्को सफल मोडलहरु बजारमा ल्याउन सफल भएको छ । यसै परिवेशमा मोबाइल बजारमा आक्रामक प्रवेशको तयारी गरिरहेको चौधरी ग्रुपले नेपाली बजारमा मोटोरोलाको डिस्ट्रिब्युसन सम्हालेको हो ।

यससँगै नेपाली मोबाइल बजारमा चौधरी ग्रुपले बलियो प्रभुत्व जनाउने भएको छ । अत्यन्तै आक्रामक बजारीकरणमा अगाडि बढीरहेको मोटोरोलाले आफ्ना स्मार्टफोनहरु आम उपभोक्ताको सरल पहुँचमा ल्याउन निक्कै प्रतिस्पर्धी मूल्य निर्धारण गर्दै आएको छ ।

कुनै पनि किसिमका ब्लोटवेयर नभएका एण्डरोइट स्मार्टफोनको प्रिमियम अनुभूतीका लागि मोटोरोलाले स्टक एण्डरोईड अपरेटिङ सिस्टमको अनुभव दिलाउँछ । मूल्यका आधारमा उच्चतम फिचरहरु प्रदान गर्ने मोटोरोलाले प्रोडक्ट डिजाइनमा नयाँ बेन्चमार्क स्थापना गर्न सफल भएको छ ।

मोटोरोला नेपालका विजनेस हेड विनय जोशीका अनुसार मोटोरोलाले नेपाली बजारमा नयाँ बेन्चमार्क निर्धारण गर्ने लक्ष्यका साथ बजारमा आफ्ना स्मार्टफोनहरु उतारेको हो ।

जोशी भन्छन्, “मोटोरोलाले मोबाइल बजारमा कायम राखेको लिगेसीको निरन्तरताको प्रत्याभूति नेपाली उपभोक्ताले पाउनेछन् । बजारमा स्मार्टफोन ल्याउनु पूर्व हामीले ताम्राकार कम्प्लेक्समा ग्राहक सेवा केन्द्रको स्थापना गरिसकेका थियौं । हामीले भारतीय बजारसँग समानान्तर मूल्य निर्धारण गरेका छौं । जुन निक्कै प्रतिस्पर्धी हो । हामी नेपाली बजार र उपभोक्ता सन्तुष्टिप्रति प्रतिबद्ध रहेका छौं ।”

नेपाली बजारमा सबैभन्दा एफोर्डेबल फाईज जि स्मार्ट फोन मोटो जी४५, मिडरेन्ज क्याटेगोरीको लिडर मानिएको मोटो एज फिफ्टी फ्युजन, निक्कै प्रिमियम र एफोर्डेबल फिल्प फोन मोटो रेजर फिफ्टी जस्ता मोडलहरु लिएर नेपाली बजारमा प्रतिस्पर्धामा उत्रिएको मोटोरोलो सजिलै नेपाली बजारमा अग्रस्थान हासिल गर्ने देखिन्छ । मोटोरोलाका सबै फाइभ जी स्मार्ट फोन आ–आफ्नो क्याटोगोेरीमा मूल्य र स्पेसिफिकेसनका आधारमा क्याटोगोरी लिडर रहेको कम्पनीले दावी गरेको छ ।
नेपाली बजारका लागि प्राथमिकता सहित विशेष मूल्य निर्धारण गरेको मोटोरोलाका स्मार्टफोनहरु रिटेल आउटलेट तथा सिजी डिजिटल तथा दराज लगायतका अनलाइन प्लेटफर्ममा समेत उपलब्ध रहेका छन् । यहाँ स्मरणीय छ चौधरी ग्रुप अन्तर्गतको सिजी मोबाईलले मोटोरोलालाई नेपाली बजारमा भित्र्याएको हो ।