फागुन ३, पोखरा । पोखरा भ्रमण वर्ष घोषणा कार्यक्रममा उडाउन लागिएको बेलुनको गुच्छा पड्किँदा उपप्रधानमन्त्री एवं अर्थमन्त्री विष्णुप्रसाद पौडेल घाइते भएका छन् ।

उनको गण्डकी अस्पतालमा उपचार भइरहेको छ । उनको अवस्था सामान्य रहेको छ । उनी आजै काठमाडौं जाने कार्यक्रम छ । सोही कार्यक्रममा बेलुनको गुच्छा पड्किँदा पोखरा महानगरपालिकाका मेयर धनराज आचार्य पनि घाइते भएका छन् ।

पोखरा भ्रमण वर्ष २०२५ को लोगो अनावरण गर्ने क्रममा उडाउन लागिएको बेलुनको गुच्छा पड्किँदा आचार्य घाइते भएका हुन् । उनको गण्डकी मेडिकल कलेजमा उपचार भइरहेको छ ।