☰
माघ १७ काठमाडौं । त्रिकोणात्मक टी–२० आई सिरिजको पहिलो खेलमा नेपालले नेदरल्यान्ड्सविरुद्ध टस जितेको छ ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा नेपालले टस जितेर सुरुमा बलिङ गर्ने निर्णय लिएको हो । योसँगै नेदरल्यान्ड्सले सुरुमा ब्याटिङको निम्तो पाएको छ ।
नेपाल र नेदरल्यान्ड्सबीचको खेल दिउँसो सवा १२ बजेदेखि सुरु हुनेछ । नेपाल क्रिकेट संघ (क्यान) ले आयोजना गरेको सिरिजमा नेपालसँगै नेदरल्यान्ड्स र थाइल्याण्ड सहभागी छन् ।
नेपालले १९ माघमा थाइल्याण्डसँग खेल्नेछ । यस्तै, नेदरल्यान्ड्ससँग २० माघ र थाइल्याण्डसँग २२ माघमा खेल्नेछ । यसैगरी, २३ माघमा फेरि नेदरल्यान्ड्ससँग खेल्ने नेपालले २५ माघमा थाइल्याण्डको सामना गर्नेछ ।
