जेरुसेलम । पेलेस्टाइन लडाकू समूह हमासले गाजा युद्धविराम सम्झौता अन्तर्गत रिहा गरिने इजरायली बन्धकहरूको दोस्रो सूची सार्वजनिक गरेको छ ।

शनिबार भएको युद्धविराम सम्झौताको एक भागको रूपमा हमासले ४ इजरायली बन्धकहरूलाई रिहा गर्न सहमत भएको हो । हमासले यी चार बन्धकहरूको नाम पनि खुलासा गरेको छ ।

हमासले चार जना इजरायली सैनिकको नाम करिना एरिभ, डेनिएला गिल्बोआ, लेवी र लिरी अल्बाग भएको जनाएको छ ।
यी चार इजरायली सैनिकहरूलाई १८० प्यालेस्टिनी कैदीहरूको बदलामा रिहा गरिंदैछ ।

गत आइतबार लागू भएको गाजा युद्धविराम सम्झौता अन्तर्गत बन्धक र कैदीहरू आदानप्रदान हुन लागेको यो दोस्रो पटक हो ।
पहिलो आदानप्रदानको क्रममा हमासले ९० प्यालेस्टिनी कैदीहरूको बदलामा तीन बन्धकहरूलाई रिहा गरेको थियो ।

अक्टोबर ७ २०२३ मा इजरायलमा हमासले आक्रमण गरेको थियो । जसमा १२०० इजरायली नागरिक मारिएका थिए । यस आक्रमणमा २५१ इजरायली जनतालाई हमासले बन्धक बनाएको थियो ।

इजरेल देश बनेदेखि इजरेलले झण्डै २ लाख पेलेस्टिनीहरुको हत्या गरेको र उनीहरुको भूमिपनि कब्जा गरेको विरोधमा हमासले गतवर्ष इजरेलमा आक्रमण गरेको थियो ।

हमासद्वारा सञ्चालित स्वास्थ्य मन्त्रालयका अनुसार हमासको आक्रमणपछि इजरायली प्रतिशोधमा ४७,२०० प्यालेस्टिनीको मृत्यु भएको छ ।
अब इजरेलको नियन्त्रणमा रहेको गाजापट्टी इजरेल मुक्त गराई गाजालाई अलग देशको मान्यता दिनुपर्ने माग सर्वत्र उठिरहेको छ ।