माघ ८, काठमाडौं । अन्तर्राष्ट्रिय बजारमा सुनको मूल्य बढेसँगै स्थानीय बजारमा पनि त्यसको प्रभाव परेको छ । आज बजार खुल्दा सुनको मूल्य अघिल्लो दिनको तुलनामा प्रतितोला एक हजार एक सयले बढेको छ ।

सोमबार प्रतितोला एक लाख ५७ हजारमा खरिदबिक्री भएको प्रतितोला सुन आज एक लाख ५८ हजार एक सयमा किनबेच हुने नेपाल सुनचाँदी व्यवसायी महासङ्घले जनाएको छ ।

आज चाँदी प्रतितोला १५ रुपैयाँले बढेको छ । सोमबार प्रतितोला एक हजार आठ सय ६० मा खरिदबिक्री भएकोमा आज एक हजार आठ सय ७५ मा किनबेच भइरहेको छ ।

अन्तर्राष्ट्रिय बजारमा आज सुनको मूल्य प्रतिऔंस २४ दशमलव ५६ अमेरिकी डलर बढेर दुई हजार सात सय २७ दशमलव ७६ अमेरिकी डलर कायम भएको छ ।