काठमाडौं । काठमाडौंको बसुन्धरास्थित साउथवेस्टर्न स्कुलले मलेसियाको हेल्प युनिभर्सिटीमा १८ जनवरी २०२५ मा आयोजित विश्व स्कुल शिखर सम्मेलनबाट ‘बेस्ट अलराउन्डर स्कुल अवार्ड’ प्राप्त गरेको छ ।

प्रिन्सिपल रमेश अधिकारीले उक्त अवार्ड ग्रहण गरेका हुन् । स्कुलले गुणस्तरीय शिक्षा, भौतिक पूर्वाधार, अतिरिक्त क्रियाकलाप र विद्यार्थी केन्द्रित विधिहरूमा गरेको उत्कृष्टताका आधारमा यो अवार्ड जितेको बताइएको छ ।

यो साउथ वेस्टर्न स्कुलको आठौँ अन्तर्राष्ट्रिय अवार्ड हो । यसअघि स्कुलले ७ अन्तर्राष्ट्रिय अवार्ड र प्रिन्सिपल अधिकारीले ५ व्यक्तिगत अवार्ड प्राप्त गरिसकेका छन् ।