काठमाडौं, माघ ३ । भारतीय कलाकार शैफअली खानमाथि छुरा प्रहार भएको छ । गएराति साढे २ बजे बान्द्राको घरमै कलाकार खानमाथि छुरा प्रहार भएको हो । छुरा प्रहारबाट उनी घाइते भएको र अहिले लिलावती अस्पतालमा उपचार भइरहेको भारतीय अखबार हिन्दुस्तान टाइम्सले जनाएको छ ।

उनी परिवारसहित सुतिरहेको समयमा एक व्यक्ति घरमा प्रवेश गरेका थिए । घरमा रहेका सहयोगीसँग झगडा परेपछि शैफ बचाउन गएका थिए । त्यसक्रममा दुई ती व्यक्तिले शैफमाथि चक्कु प्रहार गरेर भागेका थिए ।

शैफको हातमा शरीरमा विभिन्न ६ ठाउँमा चोट लागेको बताइएको छ । लिलावती अस्पतालका एक डाक्टरले शैफको हात, मेरूदण्ड र घाँटीमा समेत चोट रहेको बताएको छ ।

घरमा रहेका परिवारका अन्य सदस्यहरू सकुशल रहेको प्रहरीले जनाएको छ । शैफकी श्रीमती करिना कपुरले चोरी गर्ने उद्धेश्यले ती संदिग्ध आफ्नो घरभित्र प्रवेश गरेको बताएकी छन् । घटनाबारे त्यहाँको प्रहरीले अनुसन्धान गरिरहेको छ ।