काठमाडौं । स्कुटर चोरीको आरोपमा पोखराबाट तीन जना पक्राउ परेका छन् । पक्राउ पर्नेहरूमा कास्कीको मादी गाउँपालिका–३ घर भइ पोखरा बस्दै आएका २७ वर्षीय किरण परियार, पश्चिम नवलपारीको सुस्ता गाउँपालिका–५ का ३० वर्षीय प्रह्लाद कोहार र पोखरा महानगरपालिका–११ का २६ वर्षीय सन्तोष लामिछाने छन् ।

९ पुसको राति १२ बजेतिर पोखरााको पृथ्वीचोकमा पार्किङ गरेर राखेको ग २५ प ७१३ र ग १८ प २७३७ नम्बरको स्कुटर चोरी भएको थियो ।

चोरी आरोपमा १८ पुसमा प्रहरीले लामिछाने र परियारलाई पक्राउ गरेको थियो । उनीहरूले उक्त स्कुटर कोहारलाई बेचेको खुलेपछि उनलाई पनि पक्राउ गरिएको कास्की प्रहरीको सूचना अधिकारी वसन्त शर्माले बताए ।
पक्राउ परेकाहरूविरुद्ध कास्की जिल्ला अदालतबाट डाँका चोरीको कसुरमा म्याद लिएर अनुसन्धान अघि बढाइएको छ ।