पुस २३, काठमाडौं । प्रहरीको केन्द्रीय अनुसन्धान ब्युरो (सीआईबी) ले ललितपुरको सातदोबाटोस्थित एक अवैध कल सेन्टरमा छापा मारेको छ । गए राति सीआईबीले छापा मारेर दुई जना भारतीयसहित ५३ जनालाई नियन्त्रणमा लिएको छ । प्रहरीका अनुसार पक्राउ पर्नेमा अरु नेपाली हुन् ।

साथै प्रहरीले उनीहरुको साथबाट केही थान ल्यापटप तथा मोबाइल पनि बरामद गरेको छ । उनीहरूले कल सेन्टर चलाएर अनलाइन जुवालगायतका अवैध गतिविधि गरेको प्ररम्भिक अनुसन्धानबाट खुलेको प्रहरीले जानकारी दिएको छ ।