पुस २२,काठमाडौं । इङ्लिस प्रिमियर लिगअन्तर्गत गए राति भएको खेलमा शीर्ष स्थानको लिभरपुल बराबरीमा रोकिएको छ । म्याचेस्टर युनाइटेडले लिभरपुललाई २/२ गोलको बराबरीमा रोकेको हो ।

युनाइटेडका लागि लिजान्द्रो मार्टिनेजले ५२औँ तथा अमाद डिआलोले ८०औँ मिनेटमा गोल गरे । लिभरपुलका लागि कोडी गाक्पोले ५९औँ मिनेटमा गोल गर्दा मोहम्मद सलाहले ७०औँ मिनेटमा पाएको पेनाल्टी सदुपयोग गरे ।

त्यस्तै अर्को खेलमा इप्सविच टाउन र फुलहामबीचको खेल पनि बराबरीमा सकिएको छ । दुवै टोलीबाट २/२ गोल भएसँगै खेल बराबरीमा सकिएको छ ।

यससँगै शीर्ष स्थानको लिभरपुलको १९ खेलबाट ४६ अंक छ । २० खेल खेलेको आर्सनल ४० अंकका साथ दोस्रो स्थानमा रहँदा नोटम फोरेस्ट तेस्रो, चेल्सी चौथो र न्युकासल पाँचौँ स्थानमा छन् ।