काठमाडौं । नेपाल प्रिमियर लिगको जारी खेलमा सुदूरपश्चिम रोयल्सले पोखरा एभेन्जर्सविरुद्ध १० ओभरमा ४ विकेटको क्षतिमा ७० रन बनाएको छ ।

टियु क्रिकेट मैदानमा टस हारेर ब्याटिङ गरेको सुदूरपश्चिमले पहिलो विकेटका रूपमा ओपनर सैफ जैबलाई गुमायो। उनी ८ बलमा १ चौकासहित रेमोन रेफरबाट बोल्ड आउट भए ।

सुदूरपश्चिमले पावरप्लेमा १ विकेटको क्षतिमा ५० रन जोडेको थियो । ३.६ ओभरमा सागर ढकालको बलमा कप्तान कुशल भुर्तेलको हातबाट ब्रान्डन म्याकमुलेनको क्याच छुटेको थियो ।

उनी त्यसबेला १२ रनमा खेलिरहेका थिए । उनै म्याकमुलेनको विकेट कुशलले आफ्नै नाममा राखे । सुदूरपश्चिमको तेस्रो विकेटका रूपमा म्याकमुलेक २३ रन बनाउँदै सागर ढकालको हातमा क्याच भए ।

दोस्रो विकेट भने विनोद भण्डारीको गयो। उनले १६ बलमा १ चौका र १ छक्कासहित १४ रनमा कुशल भुर्तेलको बलमा विपिन खत्रीको हातमा क्याच भए ।

चौथो विकेट हर्मप्रित सिंहको गयो । उनले १० बलमा १ छक्कासहति १३ रन बनाउँदै माइकल लिस्कको बलमा सुदीप अर्यालको हातमा क्याच भए ।