काठमाडौँ । भक्तपुरमा मोटरसाइकलको ठक्करबाट पैदल यात्रीको मृत्यु भएको छ।

सूर्यविनायक नगरपालिका-१० नलिन्चोकमा जगातीबाटसाँगातर्फ जाँदै गरेको बा ४६ प ११२७ को मोटरसाइकलले शनिबार गएराति ८ बजे पैदल यात्री रामेछाप दोरम्बा गाउँपालिका वडा-४ घर  भई नलिन्चोक बस्ने ७० वर्षीय निमबहादुर मगरलाई ठक्कर दिएको थियो।

मोटरसाइकलको ठक्करबाट गम्भीर घाइते भएका मगरको मध्यपुर अस्पतालमा उपचारका क्रममा १० बजे मृत्यु भएको प्रहरीले जनाएको छ ।

मोटरसाइकल र चालक काभ्रे जिल्ला बनेपा नगरपालिका-६ का ४४ वर्षीय जितेन्द्र श्रेष्ठलाई प्रहरीले नियन्त्रणमा लिएको छ ।