नेपाल प्रिमियर लिग (एनपीएल) अन्तर्गत अहिले दिउँसो काठमाडौं गुर्खाज र जनकपुर बोल्ट्सबीच हुने खेलमा काठमाडौंले टस जितेको छ । काठमाडौंले टस जितेर ब्याटिङको निर्णय लिएसँगै जनकपुरले फिल्डिङको निम्तो पाएको छ । यसअघि ४ खेल खेलिसकेको काठमाडौं पाँचौँ खेलका लागि मैदानमा उत्रँदा तेस्रो जितको खोजीमा हुनेछ । उता यसअघि पाँच खेलमा चार जित निकालेको जनकपुर छैठौँ खेलमा पाँचौँ जितको खोजिमा हुनेछ ।

जनकपुरले यसअघि विराटनगर किङ्स, कर्णाली याक्स, पोखरा एभेन्जर्स र लुम्बिनी लायन्सलाई पराजित गरेको छ भने सुदूरपश्चिम रोयल्ससँग पराजित भएको छ । उता चितवन र सुदूरपश्चिमसँग पराजित भएको काठमाडौं लुम्बिनी र कर्णालीलाई भने पराजित गर्न सफल भएको छ ।