काठमाडौं ।  नेपाल प्रिमियर लिग (एनपिएल) क्रिकेट अन्तर्गत आजको दोस्रो खेलमा जनकपुर बोल्ट्स र काठमाडौं गुर्खाज खेल्दैछन् ।

कीर्तिपुरको त्रिवि क्रिकेट मैदानमा दिउँसो १ बजे सुरु हुने खेलमा जनकपुरबाट अनिलकुमार शाह र काठमाडौंबाट  करण केसीको नेतृत्वमा मैदानमा उत्रिँदै छन् । आजको खेलमा जनकपुर पाँचौं जितसहित शीर्षस्थानमा उक्लने योजनामा छ भने काठमाडौं तेस्रो जित निकाल्ने लक्ष्यमा छ ।

यसअघि पाँच खेल खेलेको जनकपुर ४ मा जित र एकमा हारसहित ८ अंक जोडेर दोस्रो स्थानमा छ । चार खेलमा काठमाडौंले दुईमा जित र दुईमा हार बेहोरेर चार अंक जोड्दै तालिकाको पाँचौँ स्थानमा छ ।