• चैत्र २१ २०८१, शुक्रबार

तीन जना मृत अवस्थामा फेला

मंसिर २३ २०८१, आईतवार

काठमाडौँ । कास्की, लम्जुङ र रोल्पा जिल्लामा तीन जना मृत अवस्था फेला परेका छन् ।

कास्की, मादी गाउँपालिका-१२ रूदीदोभानस्थित मादी खोलामा पोखरा महानगरपालिका-२७ अर्चले बस्ने १८ वर्षीय मन्दिप लामिछाने शनिबार मृत अवस्थामा फेला परेका छन् । लमजुङ, मस्र्याङ्दी गाउँपालिका-४ काभ्रे भिरस्थित मस्र्याङ्दी नदीको पाखामा सोही गाउँपालिका-४ सिलढुङ्गा बस्ने ३० वर्षीय रोशन गुरुङ शनिबार मृत अवस्थामा फेला परेका छन् ।

रोल्पा, सुकिदह गाउँपालिका-३ चामी बस्ने सल्यान बाघचौर नगरपालिका-७ गाराकोट घर भएका ७० वर्षीय मन बहादुर दमाई सल्यान पारीखर्कबाट सुकिदह जाने कच्ची सडक तल खोल्सामा शनिबार मृत अवस्थामा फेला परेका छन् ।
यस सम्बन्धमा प्रहरीले आवश्यक अनुसन्धान गरिरहेको छ ।