काठमाडौँ । काठमाडौँको नागार्जुन नगरपालिका–३ स्थित गैरी गाउँबाट प्रहरीले ९ जना जुवाडेहरूलाई पक्राउ गरेको छ । प्रहरी वृत्र् स्वयम्भूबाट खटिएको टोलीले रिड मोडल स्कुल नजिकै रहेको हर्कबहादुरको घरमा सञ्चालित जुवा खालबाट उनीहरूलाई पक्राउ गरेको हो ।

जुवाखालबाट २ लाख ९९ हजार नगद बरामद गरिएको जिल्ला प्रहरी परिसर काठमाडौँका एसपी नवराज अधिकारीले रातोपाटीलाई बताए । पक्राउ पर्नेमा गोरखा घर भएका दोर्जे लामा, हर्कबहादुर गुरुङ, राजु गुरुङ, पेम्बा ग्याल्वो, थिले लामा, मनाङको चामे घर भएकी रञ्जना लामा र विजय माया गुरुङसहित ९ जना छन् ।