काठमाडौँ । रागिनी उपाध्याय कला प्रतिष्ठानले पत्रकार पुरस्कार र दुईजना विद्यार्थीका लागि छात्रवृत्ति कोष स्थापना गरेको छ । प्रतिष्ठानको बैठकले कलाको विकास, अनुसन्धान र प्रवद्र्धनका लागि वार्षिक रुपमा एक जना पत्रकारलाई प्रोत्साहन स्वरुप एक लाखको पुरस्कार प्रदान गर्ने निर्णय गरेको हो ।

त्यस्तै दुई विद्यार्थीका लागि ५० हजारको छात्रवृत्ति कोष पनि स्थापना गरिएको छ । उक्त पुरस्कार र छात्रवृत्ति प्रत्येक वर्षको नोभेम्बर ९ तारिखमा प्रदान गरिने प्रतिष्ठानका सचिव प्रा। डा। गोवन्दराज पोखरेलले जानकारी दिए । कोषका लागि सुरुवातमा रागिनी उपाध्याय, भाष्कार कोइराला र सिर्जना राणाले सहयोग गर्नेछन् ।

प्रतिष्ठानको अध्यक्ष कलाकार रागिनी उपाध्याय हुन् । त्यस्तै उपाध्यक्षमा डा। स्वार्णिम वाग्ले, सचिवमा प्रा।डा। गोविन्दराज पोखरेल, कोषाध्यक्षमा सुप्रिया पौडेल छन् । अखिलेश उपाध्याय, प्रा। रमेश पोखरेल, सिर्जना राणा, भाष्कर कोइराला र प्रतिमा थकाली प्रतिष्ठानमा सदस्य छन् ।