ढाका । बंगलादेशले आफ्ना नोटहरूबाट प्रथम राष्ट्रपति शेख मुजिबुर रहमानको तस्बिर हटाउने तयारी गरेको छ । रहमान केही समयअघि मात्रै निर्वासनमा गएकी पूर्वप्रधानमन्त्री शेख हसिनाका बुबा हन् ।

उनको तस्बिर हटाउने तयारी भएको टाइम्स अफ इन्डियाले जनाएको छ । विद्यार्थी आन्दोलनपछि हसिनाले देश छाडेर गएको केही महिनापछि यो कुरा बाहिरिएको छ । उनी गत जुलाईमा बंगलादेश छाडेर भारत पुगेकी हुन् ।

बंगलादेशी बैंकले त्यहाँका २०, १००, ५०० र १००० दरका नयाँ नोटमा रहमानको फोटो नराखी छाप्ने तयारी गरिरहेको जनाएको हो ।
त्यसको सट्टामा बंगाली परम्परा, धर्म र विद्यार्थी आन्दोलनका क्रममा बनाइएका ग्राफिटी (एक प्रकारको चित्रकला) झल्किनेगरी राख्ने तयारी भइरहेको जनाएको छ ।

‘नयाँ नोटमा शेख मुजिबुर रहमानको तस्बिर रहनेछैन,’ बंगलादेश बैंकका कार्यकारी निर्देशक हुसनियरा शिखाले भने । अबको ६ महिनाभित्र नयाँ नोटहरू बजारमा पठाइने पनि उनले बताए । रहमानलाई बंगलादेशका निर्माता हुन् । उनलाई ‘फादर अफ द नेशन’ अर्थात् बंगलादेशका अभिभावकका रूपमा हरिन्छ ।