मंसिर २०, काठमाडौं । नेपाल प्रिमियर लिग (एनपीएल) को आठौँ खेलमा बिहीबार पहिलो खेल जनकपुर बोल्ट्स र पोखरा एभेन्जर्सबीच भइरहेको छ । त्रिवि मैदान कीर्तिपुरमा जनकपुरले टस हारेर पहिला ब्याटिङ गरेको पोखराले ७ विकेटको क्षतिमा १३८ रन बनाएको छ ।

पोखराका लागि पोखराका लागि आन्द्रे गौस र दिनेश खरेलले राम्रो सुरुवात दिलाएका थिए । मार्कोस क्रिथचेलीले सर्वाधिक ३५ रन बनाए भने माइकल लिस्कले २५ र आन्द्रे गौसले २० रनको योगदान दिए । मार्की तथा कप्तान कुशल भुर्तेल भने दोस्रो खेलमा पनि फेल भए । उनी ६ रनमा आउट भएका थिए ।

जनकपुरका लागि ललित राजवंशीले ३१ रन दिएर तीन विकेट लिए भने जेम्स निसमले दुई र किशोर महतो तथा मोहम्मद मोहसिनले एक एक् विकेट लिए । जनकपुरले यसअघि लगातार दुई खेल जितेको छ भने पोखरा पहिलो खेलमा पराजित भएको थियो ।