काठमाडौं ।  काठमाडौंको कीर्तिपुर नगरपालिका प्रमुखका लागि आइतबार भएको निर्वाचनको मतगणना जारी रहेको छ । मतगणनाको पछिल्लो परिणामअनुसार नेपाली कांग्रेसका उम्मेदवार कृष्णमान डंगोलले अग्रता कायम राखेका छन् ।

प्राप्त पछिल्लो विवरण अनुसार कांग्रेसका डंगोलले ७८९ मत प्राप्त गर्दा एमालेका सुरेन्द्र मानन्धरले ६६६ मत पाएका छन् । यस्तै, माओवादीका शिवशरण महर्जनले ४६५ र स्वतन्त्र उम्मेदवार राज मान महर्जनले ४१८ मत प्राप्त गरेका छन् ।

कीर्तिपुर नगरपालिकाको वडा नम्बर १ को वडाध्यक्षमा नेपाली कांग्रेसका इच्छाकुमार महर्जन ५६२ मत ल्याएर विजयी भएका छन् । उनका प्रतिद्वन्द्वी एमालेका हर्ष महर्जनले ४९८ मत प्राप्त गरे ।