घाँटीमा गिर्खा आउनुका कारण

सामान्य चरण

भाइरल संक्रमण अर्थात् ज्वरो, रुघाखोकीले घाँटीमा गिर्खा आउन सक्छ । त्यस्तै दाँतमा कीराले खाएको छ, गिजामा पिप जमेको छ, गिजा सुन्निएको अवस्थामा पनि घाँटीमा गिर्खा आउन सक्छ । कानभित्र पिप जमेमा र टाउको छालामा संक्रमण वा टाउकोमा चायाको कारण घाउ वा पिप जमेमा पनि घाँटीमा गिर्खा आउन सक्छ । यस्तो अवस्थालाई सामान्य रुपमै लिंदा हुन्छ ।

रुघाखोकी लाग्ने, ज्वरो आउने, टाउको दुख्ने, जीउ दुख्ने, घाँटी दुख्ने समस्याका कारण आउने गिर्खा सम्बन्धित रोगको उपचार गराएमा आफैं ठीक हुन्छ ।

मध्यम चरण

क्षयरोगको कारण पनि घाँटीमा गिर्खा आएको हुनसक्छ । घाँटीको गिर्खासँगै ज्वरो आउने, सुत्दा चिट्चिट् पसिना आउने, खोकी लाग्ने वा कहिलेकाहीं खोकी नलाग्न पनि सक्छ, खान मन नलाग्ने, तौल घट्दै जाने लक्षण देखापर्छ ।