☰
मंसिर १३, काठमाडौं । मिस प्लानेट–२०२४ को ‘ह्यूमानिटी’ अवार्ड नर्स अनिसा पराजुलीले जितेकी छिन् । कम्बोडियामा सम्पन्न ‘मिस प्लानेट २०२४’ मा ह्युमानिटी अवार्ड नर्स पराजुलीले जितेकी हुन् । प्रतियोगितामा नेपालबाट सहभागी पराजुली शीर्ष २० मा पुग्दै उक्त उपाधि हात पार्न सफल भएकी हुन् ।
प्रतियोगितामा ‘नेसनल कस्ट्युम’ उनले बुद्धको थिममा बनाएकी थिइन् । ह्युमानिटी अवार्ड जितेकी अनिसाले मिस प्लानेट–२०२४ मार्फत आफूले नेपाललाई विश्वसामु चिनाउने अवसर पाएको बताइन् ।
‘मिस प्लानेट’मा यो वर्ष थिम ‘दिगो विकास सँंगसँगै मेन्टल हेल्थ अवारनेस’ रहेको थियो । नेपालको प्रतिनिधित्व गर्न नेक्स्ट मोडल्स नेपालमार्फत अनिसा कम्बोडिया गएकी हुन् । वीर नर्सिङ क्याम्पसमा मास्टर्स अध्ययनरत अनिसा पेसाले मनोचिकित्सकसमेत हुन् ।
काठमाडौंमा भएको नर्सहरू सहभागी सौन्दर्य प्रतियोगिता ‘मिस नेपाल पिस’ मा फस्ट रनरअप भएकी उनले ‘मिस प्लानेट–२०२४’मा सहभागी हुने अवसर पाएकी थिइन् ।
