☰
काठमाडौं । नागढुङ्गाबाट अवैध लागूऔषधसहित २ जना पक्राउ परेका छन् । ब्राउनसुगर जस्तो देखिने पदार्थ ११ ग्रामसहित झापा भद्रपुर नगरपालिका–७ बस्ने २१ वर्षीय इन्द्र राजवंशीलाई शुक्रबार प्रहरीले पक्राउ गरेको हो ।
प्रहरी प्रभाग नागढुङ्गा र लागूऔषध नियन्त्रण ब्युरो शाखा कार्यालय नागढुङ्गाबाट खटिएको प्रहरीले विराटनगरदेखि काठमाडौंतर्फ आउँदै गरेको बा. प्र.०१-००६ ख ५२३७ नम्बरको बसमा सवार उनलाई उक्त पदार्थसहित पक्राउ गरेको हो ।
यसैगरी चन्द्रागिरी नगरपालिका–२ नागढुङ्गाबाट नियन्त्रित लागूऔषध ट्रामाडोल १ सय ३ ट्याब्लेटसहित सुर्खेत वीरेन्द्रनगर नगरपालिका–६ बस्ने २१ वर्षीय जीवन शाहीलाई शुक्रबार प्रहरीले पक्राउ गरेको हो ।
प्रहरी प्रभाग नागढुङ्गा र लागूऔषध नियन्त्रण ब्युरो शाखा कार्यालय नागढुङ्गाबाट खटिएको प्रहरीले सुनौलीदेखि काठमाडौंतर्फ आउँदै गरेको लु१ ख ०१०७ नम्बरको बसमा सवार उनलाई उक्त लागूऔषध सहित पक्राउ गरेको हो ।
