काठमाडौँ । भक्तपुर नगरपालिका वडा नम्बर–३ स्थित दरबार स्क्वायरमा महिला मृत भेटिएकी छन् । ९४ वर्षीया विष्णुकुमाारी त्वयनाको खुट्टा बाँधिएको अवस्थामा शव भेटिएको भक्तपुर प्रहरीका डीएसपी ढुण्डीराज नेउपानेले बताए ।

त्वयना आफ्नै घरको चौथो तलामा मृत भेटिएकी हुन् । उनको दुवै खुट्टा बाँधिएको हुनाले हत्या भएको प्रहरीको आशङ्का छ ।
नेपाल प्रहरी केनाइन कार्यालयबाट तालिम प्राप्त कुकुरको सहयोगमा अनुसन्धान सुरु गरिएको डीएसपी नेउपानेले जानकारी दिए । शव पोस्टमार्टमका लागि दुवाकोटस्थित नेपाल मेडिकल कलेजमा पठाइएको छ ।