कात्तिक २०, काठमाडौं । पाँचथर जिल्लाको फिदिम नगरपालिका– २, साम्दिनस्थित एक घरमा आगलागी भएको छ । मंगबार अपराह्न दिलकुमारी राईको घरमा आगलागी भएको हो । आगलागीको कारण खुल्न बाँकी छ ।

आगलागीमा परेर एक जना गम्भीर घाइते भएको स्थानीयले बताएका छन् । गम्भीर घाइतेलाई उपचारका लागि झापाको बीएण्डसी अपस्तालमा लगिएको बताइएको छ । स्थानीयहरू, नेपाल आर्मी, नेपाल प्रहरी र फिदिम नगर प्रहरीको सहयोगमा आगो नियन्त्रणमा आएको बताइएको छ ।

आगलागी नियन्त्रणका लागि फिदिम नगरपालिकाका दुइवटा दमकल प्रयोग गरिएको थियो । घटनाको विस्तृत विवरण आउन बाँकी छ ।