काठमाडौं । साहित्य, संस्कृति तथा विचार मञ्च नेपालको आयोजनामा ०८१ सालको विजया दशमी, दीपावली, छठ र नेपाल संवतको अवसरमा शुभकामना आदान प्रदान सम्पन्न भएको छ । निष्पक्ष मिडिया (खोज अनलाइन)को हलमा भएको सो कार्यक्रममा विभिन्न श्रष्टाहरुले रचना वाचन पनि गरेका थिए ।

नेपाली सेनाका पूर्वसेनानी टंकबहादुर बजगाईं खत्रीको सभापतित्वमा सम्पन्न सो कार्यक्रमको सञ्चालन सो संस्थाकी अध्यक्ष तथा साहित्यकार तारा केसीले गरेकी थिइन् । सो समारोहमा साहित्यकार प्राध्यापक डाक्टर गार्गी शर्मा प्रमुख अतिथिको रुपमा उपस्थित थिइन् भने विशेष अतिथिको रुपमा डा.दामोदर पुडासैनी उपस्थित थिए ।

कार्यक्रममा प्रमुख अतिथि र विशेष अतिथि लगायत साहित्यकारहरु रत्नप्रसाद अनामणि श्रेष्ठ, जेपी नेपाल, उमेश पाण्डे, हरिकृष्ण धिताल, उत्तम भेटुवाल, रेणु अधिकारी ‘मौनता’, पार्वती पुडासैनी र रेडियो नेपालका कार्यक्रम प्रस्तोता यसोदा अधिकारीले आ-आफ्ना रचना वाचन गरेका थिए ।