दाङ, असोज १६ । दाङमा बलात्कार आरोपमा एक जना युवक पक्राउ परेका छन् । गढवा गाउँपालिका – २ का २५ बर्षीय अनिल विश्वकर्मा पक्राउ परेका छन् ।

उनीमाथि १६ बर्षीया किशोरीलाई बलात्कार गरेको आरोप लागेको छ । विश्वकर्माले किशोरीलाई काम छ भनेर घरमै बोलाएर बलात्कार गरेको कुरा पीडितको जाहेरीमा उल्लेख रहेको जिल्ला प्रहरी प्रवक्ता डिएसपी इश्वर थापाले जानकारी दिए।

प्रहरी हिरासतमा रहेका विश्वकर्मालाई म्याद थपका लागि आज अदालत उपस्थित गराइने भएको छ । घटनाबारे थप अनुसन्धान भइ रहेको डिएसपी थापाले जानकारी दिए ।