काठमाडौँ । नेकपा एकीकृत समाजवादीका सांसद कृष्णकुमार (किसान) श्रेष्ठले यस वर्ष हुने बाराको गढीमाई मेलामा सबै सांसदलाई निम्ता दिएका छन् ।

सोमबारको प्रतिनिधिसभाको बैठकमा बोल्दै सांसद श्रेष्ठले गढीमाई मेलाको व्यवस्थापन गर्न सरकारको ध्यानाकर्षण समेत गराएका छन् । ‘उक्त मेलामा तीनवटै तहका सरकार र सांसदहरूलाई उक्त मेलामा सहभागी हुन चुलै निम्तो दिन चाहन्छु’, श्रेष्ठले भने ।

श्रेष्ठले जबजब गढीमाई मेलाको समय हुन्छ तब विदेशीको इशारामा हिन्दु धर्ममाथि प्रहार गर्नेहरू सलबलाउन थालेको र बलीको विरोध हुने गरेको भन्दै त्यस्तो गर्नेहरूलाई छुट नदिन सरकारसँग माग गरे । उनले अथाह पर्यटकीय सम्भावना बोकेको भन्दै पर्यटनका लागि सरकारले विशेष ध्यान दिनुपर्ने बताए ।