खुट्टाको दुखाइ विशेषगरी खुट्टाको कुर्कुच्चा, पैंताला लगायत भागमा बढी हुने गर्छ।

यस्तो दुखाइ सामान्यदेखि असह्य हुने सम्मको अवस्थामा पुग्न सक्छ । कसैलाई थोरै समय र कसैलाई लामो समयसम्म यस्तो पीडा रहन्छ ।कतिपय पीडा सामान्य उपचारपछि घरमै ठीक हुन्छ भने लामो समयसम्म पीडा भइरहेमा चिकित्सकको परामर्श लिनुपर्छ ।

खुट्टा धेरै दुख्ने कारण यस्ता छन्ः

१. प्लेन्टर फेसिसीटिज
खुट्टाको अगाडिको भागदेखि कुर्कुचासम्म जाने तन्तुलाई प्लेन्टर फेसिसीटिज भनिन्छ । जब यसमा दबाव पर्छ तब खुट्टा सुन्निने तथा दुख्ने समस्या हुन्छ । प्लेन्टर फेसिसीटिज कुर्कुचा दुख्ने सबैभन्दा सामान्य समस्या मध्ये एक हो । यदी तपाईंलाई प्रायः कुर्कुच्चामा दुखाइ हुन्छ भने, तपाईंको प्लेन्टर फेसिसीटिजमा कुनै प्रकारको दवाव हुनु सक्छ । यो दुखाई मोटोपन र लामो समयसम्म उभिने कारणले पनि हुन सक्छ । यस्तो दुखाई सुतेर उठ्दा बढी अनुभव हुन्छ ।
२. मोर्टन न्यूरोमा
यो एउटा पिडादायी अवस्था हो । यसले गर्दा नसाहरुमा जलन तथा कडा खालको दुखाई हुन्छ । यस्तो पीडा कहिलेकाँही दिन र रात जतिबेला पनि हुने गर्दछ । विशेष गरी जब तपाईं हिड्नुहुन्छ वा खुट्टामा धेरै दवाब पर्ने काम गर्नुहुन्छ यो दुखाई शुरु हुन्छ ।
३. नसामा दवाव
तपाईंको घुँडाको नसामा दबाब छ भने पनि यसले टार्सल टनेल सिन्ड्रोम निम्त्याउँछ । कम्मरको छेउमा रहेको साइयाटिक नर्भमा दबावका कारण पनि खुट्टामा दुखाई हुन सक्छ । यी दुबै अवस्थामा नसामा दबाव पर्दा रातको समयमा धेरै पिडा हुने गर्दछ ।
४. गलत तरिकाले उठबस
खुट्टा दुख्ने धेरै सामान्य कारणहरु पनि छन् जस्तो तपाईं कसरी बस्नुहुन्छ र कस्तो जुत्ता लगाउनुहुन्छ । लामो समयसम्म बस्ने वा उभिने, हिँड्ने वा दौडिने गर्दा पनि खुट्टा दुख्ने समस्या हुन्छ । जुन दुखाई औषधी खाँदा वा व्यायाम गरेर पनि निको हुन सक्छ ।
५. खुट्टाको बनावट
कतिपयलाई खुट्टाको बनावटका कारणले पनि रातमा दुखाई हुने गर्दछ । खुट्टाको पैतला एकदमै चेप्टो वा समतल भएको व्यक्तिलाई खुट्टा वा कुर्कुच्चाको दुखाई धेरै हुने गर्दछ ।
खुट्टामा हुने दुखाई धेरै प्रकारका हुने गर्दछन् । त्यसैले तपाईंको पनि यी मध्ये कस्तो खालको दुखाई हो त्यो पहिचान गर्न एकदमै आवश्यक हुन्छ । जसअनुसार तपाईंले आफ्नो दुखाई