काठमाडौं । नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ले अर्थतन्त्र निर्माणका विषयमा राज्य अल्मलिएको बताएका छन् । शनिबार राजधानीमा आयोजित एक कार्यक्रममा उनले आर्थिक दृष्टिकोणका सम्बन्धमा राज्य अल्मलिएको बताएका हुन् ।

सरकारमा सहभागी दलका प्रभावशाली नेताहरूले नै आउँदो आर्थिक वर्षको बजेटको आलोचना गरिरहेका उनले उल्लेख गरे । ‘नागरिकले बजेटबाट के आशा राख्ने ?’ भन्दै उनले प्रश्न गरे ।

उनले १२ खर्बको राजस्व र १८ खर्ब रुपैयाँको बजेटलाई नेपाली जनताको जीवनसँग जोडेर परिचालन गर्ने खालको नदेखिएको बताए । सत्तापक्षका मानिसका कुरा सुन्दा केही समयपछि सरकार भताभुंग हुने हो कि भन्ने देखिएको पनि उनले बताए ।