जापानको राजधानी टोकियो उड्ने कार प्रदर्शन गरिएपछि अब मानिस साच्चिकै उड्ने कारमा सवार हुन धेरै दिन बाँकी छैन भन्ने हुटहुटी पैदा हुन गएको छ ।

टोकियोमा आयोजित एक अन्तर्राष्ट्रिय प्रविधि कार्यक्रममा हेक्सा फ्लाइङ्ग कार उडाएर उड्ने कारको प्रदर्शन गरिएको थियो । आकाशमा उडाएर देखाइएको उक्त कार जमिनबाट १० मिटरमाथि सम्म मजाले उडेर यताउति गरेको थियो ।

यो कारमा १८ ओटा प्रोपेलर राखिएका छन् । सुरूमा सुरक्षा कारण र परीक्षण कार भएकाले यसमा एक जना मानिस मात्र बस्न सक्छन् । झ्वाट्ट हेर्दा यो ड्रोनजस्तै देखिको छ । आकारमा ४.५ मिटर चौडा र २.६ मिटर अग्लो रहेको यो कार आधुनिक डिजाइनमा छ । यसको तौल १९६ केजी रहेको छ ।

आकाशमा उड्न सफल यो हेक्सा कारको डेमो पुनः गरिने बताइए पछि मानिसमा आशा जागेको छ । यसपछि यसलाई बिक्रिका लागि राखिने छ । सवारी जाम क्रस गर्न र यात्रा अवधि छोट्याउन यसले मद्दत गर्ने छ ।

यातायात व्यवस्थालाई यसले अझै उत्कृष्ट बनाउने छ । उड्ने कार परिवहनको सामान्य साधन हुन सक्ला कि नसक्ला भन्ने जिज्ञासा त अझै पनि बाँकी छ । उड्ने कार बजारमा ल्याउनका लागि सुजुकी र स्काइड्राइभ जस्ता कार कम्पनीले पनि प्रयास गरिरहेका छन् ।