काठमाडौं । एकीकृत समाजवादीका अध्यक्ष माधवकुमार नेपालले आफूसँग सत्ता उलटफेर गर्नसक्ने क्षमता रहेको दाबी गर्दै कमजोर नठान्न चेतावनी दिएका छन् ।

गृहजिल्ला रौतहटको गौर नगरपालिका-२ स्थित लालबकैया नदीमा निर्मित झुलुङ्गे पुलको शुक्रबार उद्घाटन गर्दै उनले एसलाई सानो दल वा कमजोर ठान्ने भुल गरेमा सह्य नहुने चेतावनी पनि दिए ।

उनल नेकपा एस दास भएर कसैको इशारामा हिँड्ने पार्टी नभएका बताए । सुदूरपश्चिममा चार सिट हुँदा पनि आफ्नै पार्टीको मुख्यमन्त्री रहेको जिकिर गर्दै उनले बागमती, मधेशसहितका प्रदेशमा नेकपा एकीकृत समाजवादीको सहभागिताबिना सरकार बनाउने कल्पनासमेत गर्न नसकिने बताए ।