काठमाडौं । लगातारको वर्षाले खेल मैदान भिजेपछि नेपाल ‘ए’ र आयरल्यान्ड वुल्भ्सबीचको टिट्वान्टी खेल रद्द भएको छ ।
त्रिभुवन विश्वविद्यालयको मैदानमा आज मध्यान्ह १ बजेका लागि समय निर्धारित गरिएको खेल मैदानमा पानी जमेका कारण रद्द भएको नेपाल क्रिकेट संघ (क्यान) ले जानकारी दिएको छ ।

आयरल्यान्ड वुल्भ्सले नेपालको ‘ए’ टिमसँग टिट्वाण्टी र एकदिवसीय सिरिज खेल्न लागेको हो ।
यस राष्ट्रिय टोलीसँग भएको टिट्वान्टी सिरिजमा आयरल्यान्ड वुल्भ्स २-० अन्तरले पराजित भएको थियो । नेपालको ’ए’ टिम विनोद भण्डारीको कप्तानीमा रहने छ ।