मेवा एक प्रकारको फल हो। अन्य फलफूलको तुलनामा मेवा निकै लाभदायक फल मानिन्छ। यो बजारमा सहज रूपमा पाइने र गाउँघरमा पनि सहजै फलाउन सकिने फल होे । अहिले बजारमा मेवा उपलब्ध हुन थालेका छन् ।

गर्मीमा मेवा खानु अझै फाइदाजनक मानिन्छ । किनकी यसले शरीरको तापक्रमलाई घटाउने काम गर्छ जसले गर्दा डिहाइड्रेशन तथा गर्मी कम हुन्छ ।

छालाका लागि मेवा छालाका लागि निकै लाभदायी मानिन्छ,  पाकेको मेवा  फेसप्याकको रूपमा प्रयोग गर्न सकिन्छ । यसले छालाको जलन र संक्रमणबाट मुक्ति दिन्छ। यसले छालालाई चम्किलो बनाउनुका साथै दाग धब्बा हटाउन सहयोग गर्छ ।

मेवा कब्जीयतमा पनि फाइदाजनक छ । यसले कब्जीयत कम गरी दिशा खुलाउने काम गर्छ । नियमित बिहान खाली पेटमा मेवाको सेवन गर्नाले एसिडिटी र पेटको समस्याबाट छुटकारा पाउन सकिन्छ ।

विशेषज्ञका अनुसार क्यान्सरबाट जोगाउनका लागि मेवाको बीउ उपयुक्त मानिन्छ । अधिक तौल हुँदा मोटोपन घटाउनका लागि मेवाको सेवन उपयुक्त हुन्छ । उच्च रक्तचापको समस्या भएका बिरामीका लागि काचो मेवाको सेवन फाइदाजनक हुन्छ । रोग प्रतिरोधात्मक क्षमता कमजोर भएका बिरामीका लागि पनि मेवाको सेवन उपयुक्त मानिन्छ ।