काठमाडौँ । नेकपा माओवादी केन्द्रको स्थायी समिति बैठक आज बस्दैछ । गत शुक्रबार स्थगित गरिएको बैठक आज पार्टी मुख्यालय पेरिसडाँडामा बिहान ११ बजे बस्न लागेको हो ।

आजको बैठकमा पदाधिकारीसहित नेताहरूको जिम्मेवारी हेरफेर गर्ने कार्यसूची रहेको छ । यस्तै, तराई–मधेश अभियान चलाउने विषयमा छलफल गरी कार्यविभाजन टुंगो लगाउने बुझिएको छ ।

बैठकमा चार महिने माओवादीले रूपान्तरण अभियानमा सक्रिय तीन नेतालाई सम्मान र कमजोर कार्यसम्पादन गर्ने नेतालाई सजायको निर्णय गर्ने तयारी रहेको छ ।