काठमाडौं । इंग्लिस प्रिमियर लिग फुटबलमा म्यानचेस्टर युनाइटेडले जित निकालेको छ। आइतबार राति भएको खेलमा म्यानचेस्टर युनाइटेडले वेस्ट हाम युनाइटेडविरुद्ध ३–० को सानदार जित निकाल्यो।

म्यानचेस्टर युनाइटेडको जितमा ग्रानाचोले २ र होजलुन्डले १ गोल गरे। २३ औं मिनेटमा कासिमेरोको पासमा होजलुन्डले गोल गर्दै म्यानचेस्टर युनाइटेडलाई अग्रता दिलाएका थिए। ब्रुनो फर्नान्डेसको पासमा ग्रानाचोले अर्को गोल थपे।

८४ औं मिनेटमा क्याक्टोमिनीको पासमा ग्रानाचोले अर्को गोल गरेपछि म्यानचेस्टर युनाइटेडले ३–० को जित निकाल्यो।
प्रिमियर लिगकै अर्को खेलमा बोर्नमाउथ र नटिङ्घम फरेस्टले १–१ को बराबरी खेल्दै अंक बाँडे।