वासिङ्टन । अमेरिका र बेलायतले यमनमा हुथी विद्रोहीका धेरै लक्ष्यमा पुनः आक्रमण सुरु गरेका छन् । अमेरिकी रक्षा मन्त्रालय पेन्टागनका अनुसार यमनका १३ स्थानमा हुथी विद्रोहीको ३६ लक्ष्यहरूमा आक्रमण गरिएको छ ।

हुथी विद्रोहीमाथि अमेरिका र बेलायतले गरेको संयुक्त आक्रमणको यो तेस्रो चरण हो। यी आक्रमणहरू लाल सागर हुँदै जाने जहाजहरूमा प्रहार गरिएका क्रूज मिसाइलहरू विरुद्ध हुथी विद्रोहीहरूले गरेको ‘आत्मरक्षा अभियान’ बाहेकका हुन्।

शनिबार गरिएका आक्रमणहरूमा अमेरिकाले छवटा एन्टी-शिप क्रुज मिसाइललाई निशाना बनाएको थियो। ‘यी नयाँ आक्रमणहरू अन्तर्गत, हतियार भण्डारण केन्द्रहरू, मिसाइल र लन्चरहरू, वायु रक्षा प्रणाली र हुथी विद्रोहीहरूको रडार सम्बन्धित स्थानहरूमा आक्रमण गरिएको विज्ञप्तिमा भनिएको छ ।