काठमाडौं । चेल्सी काराबाओ कपको फाइनलमा प्रवेश गरेको छ । मंगलबार राति भएको सेमिफाइनलको दोस्रो लेगमा मिडल्सबर्गलाई ६–१ गोल अन्तरले हराउँदै चेल्सी फाइनल प्रवेश गरेको हो ।

यसअघि पहिलो लेगमा चेल्सीमाथि १–० को नतिजा निकालेको मिडल्सबर्ग मंगलबारको खेलमा भने निरिह भयो । १५औं मिनेटमा वाउसनको आत्मघाती गोलमार्फत् चेल्सीले खेलमा अग्रता लिन सुरु गरेको थियो ।

चेल्सीका लागि पाल्मरले २ गोल, इन्जो फर्नान्डेज, डिसास र माडुकीले १–१ गोल गरे । मिडल्सबर्गका लागि १ मात्र गोल रोगेर्सले गरे । समग्रमा ६–२ को नतिजा निकाल्दै चेल्सी काराबाओ कपको फाइनलमा प्रवेश गर्‍यो । चेल्सीले अब फुलहाम र लिभरपुलमध्ये एक टोलीसँग उपाधिका लागि फाइनल खेल्नेछ ।

पहिलो लेगमा लिभरपुलले फुलहामलाई २–१ गोल अन्तरले हराएको थियो। दोस्रो लेगको खेल आज(बुधबार) हुँदैछ ।